Asli Contents

PLEASE NOTE: AsliMasti.com is not responsible for contents 

MERI KAVITAEIN

Akanksha Sharma

MAIN KHUSH NAHIN HOON

Mummy, papa aur pyaari behen hain mere paas,
Lekin main khush nahin hoon
Unka pyaar aur aashirwaad hai mere paas,
Lekin main khush nahin hoon
Mere doston ki duaen hain mere paas
Lekin main khush nahin hoon
Ghar, dhan, pyaar , izzat, sab kuch hai mere paas
Lekin main khush nahin hoon
Bhagwaan se maangi thi mannath khushi ki
Lekin unhone kabool nahin ki
Is mode par aake
Unhone bhi meri maddath nahin ki
Sab kuch diya bhagwaan ne mujhe
Lekin sirf khushi nahin di

MERA DIL

Log kehthe hain dukh baantne se kam hota hai
Woh kehthe hain ki sukh baantne se badtha hai
Lekin ye dil apne dukh baantna hi nahin chahtha
Kehtha hai…..woh apne dukh se doosron ko dukhi karna nahin chahtha

WOH AJNABEE…

Do din pehle jo ajnabee tha mere liye
Kyun ab apna sa lagtha hai
Kyun har pal use khush dekhne ko jee kartha hai
Kya dekha maine usme
Ki maine use apna dost banaliya
Kya khubi thi usme
Ki use maine apne dil main basaliya
Kyun ab apni har khushi uske saath baantne ko jee kartha hai
Kya mere gham kam hain
Ki ye dil uske gham bhi baantna chahtha hai.
 

MERE DOST

Mere dost kehthe hain “Bahut achchi ho tum”
Who kehthe hain “ Dil se bahut pyaari ho tum”
Lekin itni tariff bhi math karon doston
Main tho bas ek siddhi saadhi ladki hoon.
Mere se bhi hui hain galtiyan
Kisiko dukhi kiya hai maine bhi
Jiski saza deta hai bhagwaan gham deke
Jo saabit karta hai ki hoon main buri bhi
Haan lekin khushi bhi hai mere jeewan main
Tho pata hai ki Woh khush hai mere kisi kaam se
Ki mujhe is jeewan main
Tum jaise dost mujhe diye usne
Agar tum jaise dost nahin hote
Tho apne ghamon main kahin kho gai hoti main
Chehre pe mere muskuraahat nahin hoti
Hasin kise kehthe hain kab ki bhool gai hoti main
Isliye ek aasha hai tumse doston
Kabhi mujhe galat na samajhna
Kabhi tumhe dukhi bhi karoon main
Tho mujhe tum maaf kar dena
Rootho ge to mana loongi main
Gussa hoge to maafi maang loongi main
Lekin kabhi ye saath mera chodoge tum
Tho ek pal main toot jaungi main.

MERI BEHEN

Chand jaisa chehra hai uska
Komal jaise dikh thi hai woh
Masti bhari aankhen hain uski
Phool saman nazuk hai woh
Dil ki bahut achchi hai woh
Par mujhe bada satati hai woh
Lekin chahti hai main rahoon uske paas har pal
Kehti hai mujhse bahut pyaar karti hai woh
Uske bin jee nahin sakti main ek pal
Mere liye mera sab kuch hai woh
Duniya ke liye to hai sirf woh meri behen
Lekin mere liye… meri zindagi hai woh

MAIN

Ek din soch rahi thi main
Kya khuubi hai mere main
Kis cheez main achchi hoon main
Kya khaas baat hai mere main
Na khoobsurat hoon main
Na hi achcha gaathi hoon main
Na hi achcha nachthi hoon main
Koi kavita bhi nahin likh thi hoon main
Na main padhai me tej hoon
Na koi khel main champion hoon main
Na koi medal jeetha hai aaj thak
Na koi garv ka kaam kiya hai maine
Phir bhi logon ko kyun achchi lagthi hoon main
Kyun mujhe pasand karthe hain woh
Kya dekhthe hain mujh main aisa
Ki mujhe apna dost bana lethe hain woh

MERI MAA KE AANSOON

Hazharon gham seh sakthi hoon main
Lekin hai ek gham jo sehna nahin chahthi
Hai ek gham jo main seh nahin sakthi
Apni maa ki aankhon main aansoo main dekh nahin sakthi
Isliye kehthi hoon main aaj bhagwaan se
“Tu tho mujhe detha hai ye gham har din
lekin aaj tu sunle ek dua meri
kaash mere doston ko na sehna padhe ye gham har din”
kyunki hai ye gham aisa
jo koi bhi beta seh nahin saktha
chahe kitna bhi pathar dil insaan ho woh
woh bhi ye gham seh nahin chahtha
isliye aaj ye dua nikalthi hai dil se
us insaan ke liye bhi jo meri maa ke aakhon main aansoo hain lata
ki unhen bhi is jeevan main
kaash ye gham sehna na padhe O Daata
kyun ki woh bhi hai ek insaan
woh bhi hai ek maa ka beta
woh bhi seh saktha hai hazaaron gham
par pata hai mujhe….woh bhi yeh gham seh nahin paatha
Main Abhi jab main kahin se aa rahi thi
Jab raasthe pe yuhin main chal rahi thi
Mujhe bas yaad aagai uski
Aur maine uspe ek kavita likhdi

WOH…

Woh kehtha tha mujhse pyaar kartha hai woh
Kehtha tha uske dil main rehthi hoon main
Kehtha tha har pal bitana chahtha hai mere saath
Kehtha tha har pal khush dekhna chahtha hai mujhe woh
Lekin ye haal tha uska jab mere desh main rehtha tha woh
Ye baatein ki thi usne jab mujhse roz baat kiya kartha tha woh
Lekin ab phone nahin aata hai uska
Ab ek khath bhi nahin likhtha hai woh
Ki bahut door mujhse woh jaa chuka hai
Saath samunder paar ab rehtha hai woh
Phir bhi agar pyaar kartha tha mujhse
Ek khath tho likh saktha tha woh
Ab itne din ho gaye ki ab ek sawal uttha hai dil main
Kya mujhe bhool gaya hai woh?
Jab pehli baar kaha tha usne
Ki “ tumse pyaar kartha hoon main”
Sochthi thi main bhi
Ki kyun nahin usse pyaar karthi hoon main
Lekin ab shukriyaada karthi hoon bhagwaan ka
Ki pyaar nahin mujhe hua usse
Achcha hua nahin kareeb layi main use apne
Achcha hua use apne dil main nahin basaya maine

EK AJNABEE….

Ek ajnabee ne baat ki mujhse
Maine bhi usse baat karli
Na jaanthe hum ek doosre ko
Phir bhi humne ghanton baat ki
Ek pal ke liye na bore hue hum
Na waqt ka pata chala
Ek doosre ka naam thak nahin jaathe the hum
Phir bhi ek doosre ko apna dost banaliya
Mujhe nahin dekha hai usne
Meri awaaz thak nahin suni
Phir bhi rehtha hai use mera intazaar
Karna chahtha hai mujhse woh baatein raath din
Kehtha hai “ Bahut achchi dost ho tum meri
Tumhari jaisi aur koi nahin
Itni achchi baatein karthi ho tum mujhse
Aaj thak kisi aurne mujhse aisi baatein nahin ki”
Jab bhi baat karthi hoon usse
Bahut pyaarse baat kartha hai woh
Kehtha hai bahut meetha bolthi ho tum
Par khud bhi bahut achcha hai woh
Behki behki baatein kartha hai mujhse
Mujhe bahut hasatha hai woh
Mujhse kehtha hai har baat apni
Dil ka bahut sachcha hain woh
Pyaar tho nahin karthi hoon main usse
Na mujhse pyaar kartha hai woh
Aur hona ho pyaar humme aage chalke
Lekin mera bahut achcha dost banke -
mere dil main hamesha rahega woh
Usse dosti ab jo kee hain maine
Apni dosthi har pal nibhaungi main
Use kabhi dhoka na doongi
Aaj usse ye waada karthi hoon main.

MERA PEHLA DOST….

Jab mili thi main usse pehli baar
Nahin jaanthi thi usko main
Usne baat ki thi pehle mujhse
Dosti ka haath badaya tha pehle usne
Ek hi class main padthe the hum
Isliye mulaakaath hoti thi roz
Isliye khuub baatein bhi hoti thi
Hum khuub maza karthe the roz
Ek din aisa na gaya
Ki humne ladhai na ki ho
Aisa ek din nahin yaad mujhe
Ki hum mile na hon
Khuub masti karthe the hum
Ladhai bhi khuub hoti thi
Phir ek doosre ko khuub galiyan dethe the hum
Lekin phir doosre din dosthi bhi ho jaathi thi
Har baat apni baant the hum ek doosre se
Ek doosre ke sukh dukh main saath dethe the hum
Jab bhi ladhai hoti thi ghar main
Ek doosre pe gussa nikaalthe the hum
Class na jaane ka bahana chahiye tha
Kuch bhi bahana chal jaatha tha
Kabhi kehna ki teacher ki awaaz pasand nahin aathi
Ya aaj class jaane ka mann nahin
Phir canteen main jaake kuch khathe the hum
Yuhin poore coll main ghoom the the hum
Baatein karthe, mazaak banathe
Yuhin hasthe time bithathe the hum
Aise hi guzar gaye woh do saal
Yuhin beeth gaye woh din
Haan bahut uthaar chadhav bhi sahe
Lekin phir bhi woh sabse yaadgaar saal hain mere jeewan ke
Hamesha soch thi main
Ki kyun aai main US
Kyun jaana padh raha hai mujhe woh college
Lekin ab jaan gayi
Mera milna likha tha jo usse
Agar main US nahin aati
Agar main woh college nahin jaathi
Is jeewan main
Main usse kabhi nahin milthi
Woh mera sab se pehla dost hai US main
Usse pehle akeli rehthi thi main
Na koi baat karne wala tha
Na kisiko jaanthi thi main
Ethna achcha dost hai woh
Ab tumhe kya bataoon main
Kahan se shuru karoon
Kahan pe khatam karoon main
Woh mujhe bahut hasatha hai
Haan lekin gussa bhi dilatha hai
Aur phir jab gussa hoti hoon main
Woh mujhe manaatha hai
Ab lekin jab ham saath nahin
Tho uski kami mehsoos hoti hai
Itni aadath ho gayi usse rooz milne ki
Ki ab akelapan mehsoos karthi hoon main
Uske saath bitaye hue woh pal
Kabhi nahin bhool paungi main
Nahin bhool paaungi kabhi use
Nahin bhoolungi woh do saal mere jeewan ke

TUM MUJHSE…..

Tum jaisa samjhthe ho mujhe main waisi nahin
Tum mujhe abhi thak achchi tarah se jaanthe nahin
Phir bhi dost tho bana liya hai tumne mujhe apna
Lekin kabhi mujhse tum pyaar karna nahin
Nahin de sakoongi main tumhe woh pyaar
Nahin bana sakoongi main tumhe apna
Dekho mujhe ab tum jalath na samajhna
Meri majboori tum jaanthe nahin
Yeh nahin ki tum achche insaan nahin
Yeh nahin ki tum mujhe pasand nahin
Lekin a dost hai meri bhi ek aisi majboori
Ki tumse pyaar main kar sakthi nahin.
Majboori tho tumhe main bata sakthi nahin
Bataun bhi tho tum samjhoge nahin
Ho sake tho maaf kar dena mujhe
Lekin main dosti se ek bhi kadam aage badha sakthi nahin

Maa…

Tumhari Taarif kya karoon maa
Mere paas uthne shabd hi nahin
Tumhari tulna chand se kaise karoon maa
Tum tho ho usse bhi haseen
Mann kartha hai ki main tumhara saaya banun
Mann kartha hai tumhe jeewan ki har khushi doon
Mann kartha hai hamesha tumhare paas rahoon
Mann kartha hai main tumhara sahara banun
Tumne hi tho mujhe chalna sikhaya
Tumne hi tho mujhe har kadam pe sahara diya
Tumne hi tho mere har sukh dukh baante
Tumne hi tho mujhe girne se bachaya
Tumne hi tho mujhe itni sunder behen di
Behen kya woh tho meri zindagi hi ban gayi
Tumne hi tho mujhe itne achche papa diye
Jinki beti hone ka garv hai mujhe
Jinki sabse jyada izzat karthi hoon main
Jinke usulon pe zindagi bhar chaloongi
Jinka har sapna poora karna chahthi hoon main
Tumne hi tho mujhe aise sanskaar diye
Ki sab taarif karthe hain meri
Kehthe hain main bahut sunder hoon dil se
Lekin ye dil bhi tumne hi tho diya hai
Dua karthi hoon sab ko tum jaisi maa mile
Sab ko tumhari jaisi maa ki mamtha mile
Lekin mujhe tum hi milo
Tumhari jaisi nahin …. Lekin tum khud milo

Akanksha Sharma (sharma_akku@yahoo.co.in)

Asli Information

This section is open to public for their own views, if you have any relative item, send us at stuff@AsliMasti.com and we'll add it here

You can also use our Write Back page to submit your stuff.